Олимпиада алауын тұтату рәсімі мұражайда өтеді

Бұл туралы Грекия Ұлттық Олимпиада комитеті хабарлады.

Қысқы Олимпиада ойындарының алауын тұтату рәсімі күн райының нашарлауына байланысты Ежелгі Олимпиада мұражайында өтеді, деп жазады inbusiness.kz сайты.

Комитеттің мәліметінше, мұражайдың сыйымдылығы шектеулі болғандықтан, іс-шара жалпақ жұртқа көрсетілмейді. Алау тұтанған соң Грекия бойынша 9 күндік саяхатқа аттанып, кейін Италияға жіберіледі.

2026 жылғы қысқы Олимпиада ойындары Италияда 6 және 22 ақпан аралығында өтеді.