Трамптың арнайы елшісінің ұшағы Мәскеуге қонды

АҚШ президенті Дональд Трамптың арнайы елшісінің ұшағы Мәскеудегі «Внуково» әуежайына қонды, деп хабарлайды El.kz ақпарат агенттігі.

Трамптың Таяу Шығыстағы арнайы елшісі Стив Уиткофф мінген Gulfstream G650ER ұшағы таңертең Катардан ұшып шыққан.

Flightradar мәліметінше, әуе кемесі Беларусьтен ұшып өтіп, Латвия арқылы Ресей шекарасын кесіп өткен.

АҚШ президентінің арнайы елшісінің ұшу жолағын Flightradar арқылы 15 мың адам бақылап отырған.

Бұған дейін Ақ үйдің баспасөз хатшысы Каролин Левитт АҚШ президенті Дональд Трамптың арнайы елшісі Стив Уиткофф Мәскеуге барып, Ресей тарапын Украинада атысты тоқтату туралы келісімге қол қоюға көндіріп көретінін айтқан еді.