Мәскеуде Ресей мен АҚШ делегацияларының келіссөздері өтеді

Ресей басшысы АҚШ-тан келген арнайы өкіл Стив Уикоффты қабылдауы мүмкін екені де айтылады.

Мәскеу әуежайына АҚШ президентінің Таяу Шығыстағы арнайы өкілі Стив Уикофф мінген ұшақ келіп қонды, деп хабарлайды inbusiness.kz сайты DW-ге сілтеме жасап.

13 наурыз күні Ресей мен АҚШ делегациялары келіссөз өткізеді. Ақпаратты Владимир Путиннің баспасөз хатшысы Дмитрий Песков растады.

"Расында да, келіссөз жүргізушілер ұшып келе жатыр, кездесу жоспарланған. Алдын ала ештеңе айта алмаймын, бәрін кейін хабарлаймыз", — деді Песков тілшілердің сауалына берген жауабында.

Ресей президентінің көмекшісі Юрий Ушаковтың сөзінше, Стив Уиткофф Ресеймен келіссөздерге делдал болмайды.

"АҚШ Ресеймен келіссөздерде делдалды анықтады. Ол Стив Уиткофф емес", — деді Юрий Ушаков.

Ресей Сауд Арабиясындағы АҚШ пен Украина делегацияларының арасында болған келіссөздердің нәтижелері бойынша ресми өтініш түспегенін мәлімдеді. Мәскеу Вашингтонмен бұл мәселені талқылауға дайын екенін білдіріп отыр.