Батыс Қазақстанда көлік қозғалысына шектеу қойылды

Қардың күрт еруі салдарынан жолдарды су басып қалды.

Батыс Қазақстан облысында Орал-Белес-Переметный автожолында барлық көлік түрлері үшін қозғалысқа шектеу қойылды, деп хабарлайды inbusiness.kz сайты.

БҚО полиция департаменті мәлім еткеніндей, қардың күрт еруі салдарынан су мол келіп, жолдың үстіне шығып кеткен.

Қазіргі кезде автокөліктер Орал-Саратов жолы арқылы қатынап жатыр.

"Жүргізушілерге жолға шыққан кезде аталған ақпаратты ескеріп, қауіпсіздік шараларын сақтау керектігін еске саламыз. Бұл азаматтар қауіпсіздігі үшін жасалып отыр", - деп хабарлады ведомстводан.