Сарыағаш медресе-колледжіне мемлекеттен 1,6 млрд теңгеден астам қаржы бөлінген

Бұл оқу орнында Исламтану, Имам-хатиб, Ұстаз мамандықтары бойынша шәкірттер білім алуда.

Сарыағаш медресе-колледжі мемлекет есебінен қаржыландырылып келеді, деп жазады inbusiness.kz сайты.

Әлеуметтік желілерде аталған оқу орнына мемлекеттен жыл сайын 200 млн теңгеден астам қаржы бөлінетіні туралы ақпарат тарады. Бұл мәліметті Түркістан облыстық білім басқармасының баспасөз қызметі растады.

— Мемлекеттік білім беру стандарттарына сәйкес, діни сеніміне қарамастан, білім беру ұйымдары мемлекеттік қолдауға, оның ішінде гранттарға үміткер бола алады. Осыған орай, 2018-2024 жылдар аралығында Сарыағаш медресе-колледжіне республикалық бюджеттен 1,6 млрд теңгеден астам қаржы бөлінді. Жалпы, 2018-2025 жылдары оқу орнына 900 грант бөлінген, — делінген басқарма хабарламасында.