Қазақстан әскері сыртқы, ішкі қатерге дайын ба?

Қорғаныс министрінің бірінші орынбасары Сұлтан Қамалетдиновтен Қазақстан әскері ішкі және сыртқы қатерге қаншалық дайын екені сұралды, — деп хабарлайды Massaget.kz тілшісі.

"Қазақстанның Қарулы Күштері кез келген сыртқы және ішкі қатерге толық дайын деп сеніммен айтуға бола ма?", — деп сұрады БАҚ өкілі Сенатта.

Министрдің орынбасары Президент тапсырмаларын орындауға бағытталған жауынгерлік даярлық іс-шаралары жүргізіліп жатқанын айтты.

"2 маусымнан бастап жаңа жазғы оқу кезеңін бастадық. Қарулы Күштер белгіленген міндеттерін орындауға дайын", — деді ол.

Еске салайық, бұған дейін Президент әскеріміз кез келген сәтте сақадай сай тұруға тиіс екенін айтты.

"Қамсыз отыруға болмайды. Армиямыз кез келген сәтте өз міндетін орындауға сақадай сай тұруға тиіс", – деді Мемлекет басшысы.

Өзекті жаңалықтарды өз уақытында оқу үшін Facebook парақшамызға жазылыңыз!