Лувр тоналды: оқиғаға қатысты тың дерек шықты

Францияда Луврды тонады деген күдікпен тағы бес адам ұсталды, — деп хабарлайды Massaget.kz тілшісі.

RTL радиостанциясы мәліметінше, күдіктілер 29 қазанда кешке Париждің әртүрлі жерінде бір уақытта ұсталған. Париж прокуроры Лора Бекко күдіктілердің кім екенін жариялауға әлі ерте екенін айтты.

"Күдіктілерді ұстау кезінде зергерлік бұйымдар табылған жоқ", — деп жазылған мәліметте.

Айта кетейік, 19 қазанда Парижде әлемге әйгілі Лувр мұражайы бірнеше минут ішінде тоналды. Залал көлемі 88 млн еуро деп бағаланып отыр.

Еске салайық, бұған дейін Луврды тонады деген екі күдікті қамауға алынды.

Қызықты жаңалықтар мен видеоларды көру үшін TikTok арнамызға жазылыңыз!