Ел өңірлерінде травматологиялық орталықтар құрылады

Өңірлерде травматологиялық орталықтар құру тұжырымдамасы ұсынылды .

Бұл туралы ұлттық ғылыми травматология және ортопедия орталығының директоры брифингте баяндады. Мұндай мекемелер медициналық оқу орындарының базасында ашылмақ. Жоба пилоттық режимде алдымен Балқаш қаласында жүзеге асырылады. Өйткені бұл шаһар күре жолдардың тоғысқан тұсында орналасқан және Қарағанды, Алматы, Жамбыл облыстарының орталығынан шалғайда жатыр.

Олжас Бекарысов, Н.Ж.Батпенов атындағы Ұлттық ғылыми травматология және ортопедия орталығының директоры:

- Статистика бойынша бұл аумақта жол-көлік оқиғалары жиі болады. Өңірлік травматологиялық орталығының міндеті – халықаралық тәжірибе мен озық технологияларды қолдану. Емделушілерге жедел әрі сапалы көмек көрсету, кадрлардың біліктілігін арттыру.