«Шарын» ұлттық паркінде экологиялық акция өтті

«Шарын» мемлекеттік ұлттық табиғи паркінің қызметкерлері Алматы – Шонжы тасжолы бойында санитарлық жұмыстар жүргізді, деп хабарлайды 24kz.

Олар шамамен бір тонна қоқыс жинап алды. Бұл бастама «Таза Қазақстан» республикалық акциясы мен «Парктер шеруі» халықаралық экологиялық қозғалысы аясында өтті. Паркке қарасты аумақты тазалауға 50-ге жуық маман жұмылдырылды. Тазалық шарасының қорытындысы бойынша белсенді қатысушылар марапатталды.

Гүлмира Нысанбаева, «Шарын» мемлекеттік ұлттық табиғи паркінің директоры:

- 5 маусым – Дүниежүзілік қоршаған ортаны қорғау күніне орай тазалық жұмысы ұйымдастырылуда. Тазалық жұмысына мекеме қызметкерлері, мектеп оқушылары жас экологтар қатысуда. Қоршаған ортаны бір ғана акциямен шектелмей, күнделікті өмір салтына айналуы тиіс.