ChatGPT-дің бір жылдық табысы қандай?

OpenAI компаниясы монетизацияның жаңа тәсілдерін іздестіріп жатыр және болашақта ChatGPT қызметінде жарнама пайда болуы мүмкін. Бұл туралы сервис жетекшісі Ник Терли The Verge басылымына берген сұхбатында айтты, — деп хабарлайды Massaget.kz тілшісі.

Оның сөзінше, ChatGPT-тің өзі жарнама орналастыруға әрдайым ыңғайлы бола бермейді, себебі ол ең алдымен пайдаланушылардың нақты тапсырмаларын орындауға бағытталған. Алайда компанияның басқа өнімдерінде әртүрлі бизнес-модельдерді қолдануға мүмкіндік бар.

ChatGPT-дің бір жылдық табысы қандай?

Сонымен қатар, OpenAI әлі де негізгі табыс көзі ретінде жазылымдарға сүйенеді. Bloomberg деректеріне қарағанда, 2025 жылы компанияның табысы шамамен 12,7 миллиард доллар болады (6 триллион 456 миллиард теңге) деп күтіледі. Бұл былтырғы 3,7 миллиардтан үш еседен артық.

Жақында ChatGPT қолданушыларының саны 700 миллионнан асты, олардың шамамен 20 миллионы ақылы тарифке жазылған. Терли көпшілік тегін нұсқаны қолданатыны, бірақ дәл осы база болашақта оларды ақылы қызметтерге тарту үшін үлкен мүмкіндік беретінін айтты.

Қызықты жаңалықтар мен видеоларды көру үшін TikTok арнамызға жазылыңыз!