Ақтөбедегі әскери институт шетелдік курсанттарды қабылдай бастады

Ақтөбедегі Әуе қорғаныс күштерінің әскери институты биылдан бастап қырғызстандық курсанттарды қабылдайды, деп хабарлайды 24kz.

Болашақта түркиялық талапкерлерді де оқыту жоспары бар. Бүгінде Ұжымдық қауіпсіздік туралы шарт ұйымы аясында тәжікстандық жастар білім алып жатыр. Институтта ұшқыштар, әуе көлігі инженерлері, ұшқышсыз ұшу аппаратының операторлары және әскери дәрігерлер даярланады. Парламент Сенатының депутаты Амангелді Нұғманов курсанттармен кездесіп, оқу орнының тыныс тірлігімен танысты. Ол болашақ офицерлерге әуе көлігін игеруді үйретіп қана қоймай, заманауи технологиялардың қыр-сырымен таныстыру қажеттігін айтты.

Амангелді Нұғманов, ҚР Парламенті Сенатының депутаты:

- Қазіргі кезде өзіміз біліп отырмыз ғой. Енді цифрландыру, жасанды интеллект бар, басқа да әрі қарай дамитын жаңа технологиялар, киберқауіпсіздік дейміз, сондай мәселелер көп. Сол жағына көп маңыз берсе деген ұсынысым бар.