Үш облыста жол қозғалысына шектеу қойылды

Бұл туралы "ҚазАвтоЖол" хабарлады, деп жазады inbusiness.kz сайты.

Еріген қар суларының салдарынан Қарағанды, Ақмола және Қостанай облыстарында көлік қозғалысына уақытша шектеу енгізілді.

2025 жылғы 21 наурыз, сағат 20:00-дегі жағдай бойынша үш облыста республикалық маңызы бар үш автожол учаскесінде көлік қатынасы тоқтатылды:

• Ақтөбе облысы – "Қандыағаш – Ембі – Шалқар – Ырғыз" автожолының 3-92 шақырым аралығы (Қандыағаш – Ембі қалалары)
• Қостанай облысы – "Мариновка ауылына кіреберіс" автожолының 9 шақырымы
• Солтүстік Қазақстан облысы – "Петропавл айналма жолының" 4-7 шақырым аралығы (Қожаберген жырау айналма жолынан Есіл өзені көпіріне дейін)

Барлық жабық учаскелерде айналма жолдар қарастырылған. Қазіргі уақытта республикалық маңызы бар жолдарды бақылауға 159 арнайы техника мен 290 маман жұмылдырылды.