Елімізде халық саны 69,8 мың адамға өскен

Бұл ақпаратты Ұлттық статистика бюросы жариялады.

1 мамырдағы жағдай бойынша Қазақстан халқының саны 20 353 265 адамды құрады, деп хабарлайды inbusiness.kz сайты.

Жыл басынан бері халықтың жалпы өсімі 69,8 мың адам болды. Оның ішінде табиғи өсім есебінен – 63,4 мың адамға, көші-қон есебінен – 6,3 мың адамға.

"Халық санының ең жоғары өсу қарқыны Астанада байқалды. Астана халқының саны көші-қон ағындары есебінен артып келеді. Мәселен, елорда тұрғындарының саны жыл басынан бері 29,7 мың адамға өсті, оның 78,3%-ы көші-қон есебінен", – делінген бюро таратқан ресми ақпаратта.

Айта кетейік, жыл басынан бері көші-қонның оң сальдосы 5 өңірде – Алматы және Маңғыстау облыстарында, сондай-ақ республикалық маңызы бар қалаларда – Астана, Алматы және Шымкентте байқалды.