Үш облыста көлік қозғалысына шектеу қойылды

Бүгін сағат 17: 00 — 17: 30-да ауа райының қолайсыздығына байланысты БҚО және Ақтөбе, Қызылорда облысында жолдар жабылды, деп хабарлайды Egemen.kz « ҚазАвтоЖол » ҰҚ» АҚ-ға сілтеме жасап.

Ақтөбе облысы:

«Ақтөбе-Қандыағаш-Доссор-Атырау-РФ шекарасы» автожолының 14-104 шақырым аралығында (Ақтөбе қаласынан Қандыағаш қаласына дейін) жүк және қоғамдық көліктердің қозғалысына шектеу қойылды.

Сондай-ақ, облыстағы «Ақтөбе — Орал — РФ шекарасы» автожолының 526-675 шақырым аралығында (БҚО шекарасы — Сарытоғай ауылы) жол жабылды.

Батыс Қазақстан облысы:

«Ақтөбе — Орал — РФ шекарасы» автожолының 394-526 шақырым аралығында (Жымпиты ауылы — Ақтөбе облысының шекарасы) көлік қозғалысы шектеледі.

Қызылорда облысы:

«РФ шекарасы — Мартөк — Ақтөбе — Қарабұтақ — Қызылорда — Шымкент — Тараз — Қордай — Алматы — Қорғас — ҚХР шекарасы» автожолының 1240-1362 шақырым аралығы (Ақтөбе облысының шекарасы — Арал қ.) жабылды.

«ҚазАвтоЖол» жолдарды 2025 жылғы 6 наурыз сағат 08:00-де ашу жоспарланып отырғанын мәлімдеді.