Ақтөбеде суға кеткен екі адамның денесі үш күннен соң табылды

Ор өзеніне ағып кеткен екі адамның мәйітін құтқарушылар бірнеше күннен кейін тауып отыр, деп жазады inbusiness.kz сайты.

25 маусым күні 1959 жылы туған жергілікті тұрғын мен оның кәмелетке толмаған немересі Кұдыксай ауылынан Toyota Hilux автокөлігімен Бозжыр аумағына қарай шығып, қайтып оралмағаны туралы хабар келіп түскен. Шұғыл түрде іздестіру-құтқару жұмыстары ұйымдастырылып, оған ТЖД-ның сүңгуір тобы тартылды.

"26 маусым күні сағат 19:30 шамасында Кұдыксай ауылы маңындағы Ор өзенінің арнасын зерттеу барысында автокөлік табылды. Сүңгуірлер жүргізген жұмыстар нәтижесінде 2,5 метр тереңдіктен, жағадан 4 метр қашықтықта баланың денесі, сондай-ақ көлік пен ер адамның денесі судан шығарылды", — деп хабарлады Ақтөбе облысы Төтенше жағдай департаменті.

Қазір оқиғаның мән-жайы анықталып жатыр.