Жамбыл облысында жер сілкінді. Зілзала ошағы Қырғызстанда орналасқан

Жер сілкінісі бүгін 12 сағат 57 минутта тіркелді.

Жамбыл облысында жер сілкініп, оның Қордай ауданындағы қуаты 2 балл болды. Бұл туралы Төтенше жағдайлар министрлігі хабарлады.

"2025 жылғы 12 қыркүйек Астана уақытымен 12 сағат 57 мин жер сілкінісі тіркелді. Жер сілкінісінің ошағы Алматы қаласынан 187 км оңтүстік-батыста Қырғызстан аумағында орналасқан. Зардап шеккендер мен қираулар туралы мәлімет түскен жоқ", – делінген Төтенше жағдайлар министрлігінің хабарламасында.

Төтенше жағдайлар министрлігі жер сілкінісі кезіндегі 10 қарапайым ережені еске салды.

• Жер дүмпуі кезінде үрейленбеңіз;
• Жер сілкіну кезінде лифт және баспалдақпен қолданбаңыз;
• Жиhаздан, терезеден, ары тұрыңыз;
• Жасырынатын жерді табыңыз — жоғарғы қабаттарда негізгі іргелі қабырғалардың бұрышында орын алып жасырыңыз;
• Ғимараттан шығыңыз (төменгі қабаттарда), көп қабатты үйлерде жер сілкіс аяқталған соң ғимараттан шығыңыз;
• Кетер алдында суды, газды, электр қуатын мүмкіндігіңізше өшіріңіз;
• Дабыл жол сандығын алыңыз (алдын ала дайындау қажет);
• Электр желілерден, ғимарат, ағаштардан аулақ болыңыз;
• Жер сілкінуіне дайын болыңыз;
• Қарт адамдарға, балаларға, мүмкіндігі шектеулі адамдарға көмек көрсетіңіз.