Ресейлік ғарышкер Каспийдің ғарыштан түсірілген суреттерін көрсетті

Ғарышкер Олег Артемьев өзінің Instagram-да Халықаралық ғарыш станциясынан түсірілген Жердің жаңа суреттер топтамасын жариялады.

Оның таңдауына әйгілі шығанақтардың сирек кадрлары енді, олардың арасында – Каспий теңізі және Қара-Бұғаз-Гол шығанағы бар, деп жазады inbusiness.kz сайты.

Артемьев жарияланымында Жерді айналып ұшу кезінде суретке түсірген шығанақтардың "өте қызықты топтамасын" дайындауға шешім қабылдағанын атап өтті.

Топтамаға мыналар еніп отыр:

• Аден шығанағы;
• Йемен мен Оман жағынан Аден шығанағы;
• Күн батудағы Парсы шығанағы;
• Парсы шығанағы;
• Аустралияның солтүстігі — Карпентария шығанағы;
• Африканың солтүстігі — Габес, Триполи шығанағы;
• Коринф шығанағы, Греция;
• Ормуз бұғазы және Оман шығанағы;
• Каспий теңізі және Қара-Бұғаз-Гол шығанағы.