Литвада қазақ майдангерінің рухына тағзым етілді

Жеңістің 80 жылдығы қарсаңында Литвадағы Қазақстан елшілігінің өкілдері қазақ жауынгері Игібай Құнанбаев жерленген бейіттің басына барып , батыр рухына тағзым етті, деп хабарлайды 24kz.

Еске алу рәсіміне майдангердің ұрпақтары елімізден арнайы барып, туған жердің бір уыс топырағын шашты. Батырдың жат жерде жерленген орны қазақстандық дипломаттар мен қазақ диаспорасы өкілдерінің қатысуымен болған іздеу жұмыстары нәтижесінде табылды. Архив деректерінде Игібай Құнанбаев 1941 жылдың шілдесінде тұтқынға түсіп, бір жылдан кейін қаза болғаны жазылған. Екі жарым мың сарбаз жерленген әскери мазар соғыс кезеңінде тұтқындалған ұшқыштарды жазалау лагерінің орнында тұр. Қазір онда естелік мемориалды кешені салынған.