Бір айда 166 мыңнан аса көлік есепке қойылған

Тамызда Қазақстанда 166 547 көлік есепке қойылған. Бұл туралы Ұлттық статистика бюросы мәлімдеді, — деп хабарлайды Massaget.kz тілшісі.

Бір айда тіркелген көліктің жалпы санының 87,5 пайызы — жеңіл көліктер, 5,6 пайызы — жүк көліктері, 2,6 пайызы — тіркемелер, 0,8 пайызы — автобустар, 0,7 пайызы — мотоциклдер және 2,7 пайызы — өзге көліктер.

"1 қыркүйектегі жағдай бойынша Қазақстанда тіркелген көліктердің жалпы саны 6 088 700-ге жетті. Жалпы көлік паркінің құрылымында жеңіл көліктердің үлесі — 83,9 пайыз, жүк көліктерінің үлесі — 8,1 пайыз, тіркемелердің үлесі — 4,3 пайыз, автобустар мен шағын автобустардың үлесі — 1,5 пайыз, мотоциклдердің үлесі — 1,2 пайыз, өзге де көліктердің үлесі — 1 пайыз", — деп жазылған хабарламада.

Аптаның басты оқиғалары мен пайдалы видеоларды көру үшін YouTube арнамызға жазылыңыз