Жамбыл облысында сапасыз жол үшін шенеуніктер жазаланды

Жамбыл облысында сапасыз жол үшін 4 ауыл әкімі мен жауапты мекеме басшысы жазаланды, деп хабарлайды Zakon.kz.

"Жетінші арна" телеарнасы Жамбыл облысындағы жол сапасы сын көтермейтіндігін жазды. Осы олқылық үшін 4 ауыл әкімі мен жауапты мекеме басшысы жазаланды. 57 лауазымды тұлғаға 1,5 млн теңге айыппұл салынды. Құзырлы мекеме жасаған тексерістен кейін екі жарым мыңнан астам мін табылған.

• асфальт шұрық тесік,
• жол белгісі жоқ,
• жол үстіндегі қар дұрыс тазартылмаған.

Биыл жол инспекциясы қызметкерлері 5 мың шақырым көлік жолын тексерген. Енді жол жөндеу басшылары мен жергілікті атқарушы орган 600-ден астам ұйғарым бойынша кемшіліктің орнын толтыруға тиіс.

"Жол жабындысында ойық, шұңқыр орын алғанға байланысты нұсқама беріледі. Оны орындау үшін 1 ай көлемінде уақыт береміз. Егер белгілі мекемемен ол нұсқама орындалмаған жағдайда полиция департаментіне жауап жолданады",- деді Азамат Бақытұлы, ӘПБ бөлім бастығы.

Бұған дейін "Жетісу" футбол клубының директоры жеті жылға бас бостандығынан айырылғандығы хабарланған болатын.