Келісімдер қаралады

Мәжіліс спикері Ерлан Қошановтың төрағалығымен бюро өтіп, алдағы жалпы отырыстың күн тәртібі нақтыланды .

Палатаға ратификациялық заң жобаларының топтамасын қарау ұсынылады.

Қазақстан Республикасы Үкіметі мен Қырғыз Респуб­ликасы Министрлер Кабинеті арасындағы инвестицияларды көтермелеу және өзара қор­ғау жөніндегі келісім 2024 жыл­ғы 19 сәуірде Астана қала­сында жасалды. Бұл құжат инвес­тиция­лық ынтымақтастық үшін қолайлы жағдай жасауға, тіке­лей шетелдік инвестициялар тартуды ынталандыруға және тараптар мемлекеттерінің эконо­микалық әл-ауқатын жақсартуға бағытталған.

2007 жылғы 26 маусымдағы Қазақстан Республикасының Үкіметі мен Азиядағы өзара іс-қимыл және сенім шаралары жөніндегі кеңестің Хатшы­лығы арасындағы Хатшылық­тың Қазақстан Республикасы­ның аумағында болуы шарттары тура­лы келісімге енгізілетін түзету­лер жөніндегі Хаттама Хат­­шы­лық қызметкерлерінің мәр­­тебе­сіне, азаматтығына қара­мас­тан олардың жеңілдіктері мен иммунитеттерін кеңейтуге және болу жағдайларын жақсартуға бағытталған.

Тағы бір келісімде Америка Құрама Штаттары Үкіметіне Алматы қаласында АҚШ консул­дық мекемесінің үй-жайларын салу үшін 70 мың шаршы метр­ден аса жер учаскесін 49 жыл мерзімге жалға беру тәртібі мен шарттары белгіленеді.